Kruger 

Þegar við komum á hótelið í Kruger fengum við öll á tilfinninguna að við værum komin á breskt sveitasetur. Við fengum öll mismunandi herbergi sem höfðu öll sín sérkenni. Allir vildu gera okkur sérlega til hæfis en útkoman var ekki alltaf eins og við hefðum kosið. Rafmagnsleysi og afríkönsk stemmning voru þar helstu áhrifavaldar. Þess vegna var ekkert blogg og engar færslur. Við nýttum tímann vel og fórum fyrri daginn í  fjórhjólasafarí sem allir fíluðu í tætlur. Eftir mikla útrás hjá hópnum endaði Anna úti í skógi ( eftir að reyna að stytta sér leið ) og Jenny fékk sér frítt tattú af púströrinu á fjórhjólinu.

Seinni daginn lögðum við af stað kl. 5.00 um morguninn til að fara í Kruger National Park.  Dýrin vakna snemma og því betra að vera þá mættur á staðinn. Safarí jeppinn okkar var opinn í alla enda og vorum við því vel veðurbarin eftir ferðina, kúrðum undir teppum því ótrúlega var kalt í veðri. Samt tókst nokkrum okkar að fá sér lúr en aðrir áttu fullt í fangi með að hafa ofan af fyrir bílstjóranum og Íris þurfti að klára fínu peysuna sem hún var að prjóna. Fengum góða fræðslu hjá fararstjóranum okkar  bæði í sambandi við dýrin og gróður. Hann sýndi okkur sérstaklega afríkönsku Amarula plöntuna sem líkjörinn góði kemur úr. Heldum heim á sveitasetrið köld, sæl og svöng. Kvöldið endaði með góðri máltíð og sætum svefni. Over and out.........

Cape Town dagar

Vöknuðum eldsnemma til að fara í vínsmökkun til Seidelberg. Rut ( fyrrv.flugfr) og Kolli maðurinn hennar sem búa þarna voru búin að panta fyrir okkur “minibus” svo að við gætum öll farið saman. Þau tóku á móti okkur í Seidelberg búgarðinum og við brögðuðum öll á hinum ýmsu vínum.  Þetta var mjög spennandi og síðan skoðuðum við gallerí sem var á staðnum. 

Eftir að við vorum búin að vera þarna þá buðu þau okkur hjónin á sitt einstaklega fallega heimili.  Þau búa í yndislegum dal milli Paarl og Franschhoek og útsynið og allt þar í kring er alveg frábært. Eftir ljúfa stund á heimili þeirra , heldum við á frábæran veitingastað sem þau höfðu valið fyrir okkur, sem var upp til fjalla.með alveg einstöku útsýni. Okkur leið öllum eins og við værum dottin inní Sound of Music myndina. Eftir yndislegan dag í sveitinni var haldið heim á hótel ásamt Kristínu Margréti dóttur Kolla sem bættist við hópinn og fékk að gista hjá okkur og síðan var haft fataskipti og farið niður á Waterfront og áttum góða kvöldstund á frábærum veitingastað “Belthazar.”  

Dagur II Cape Town

Rut kom að sækja okkur og sýndi okkur stelpunum helstu verslanir og markaði í miðbænum. Þar versluðum við fyrir næstu ferð, búninga, bakkaskraut og fl.  Hún keyrði okkur um allt og fræddi okkur um sögu borgarinnar sem var mjög áhugavert. Eftir skemmtilega bæjarferð var farið uppá hótel og náð í strákana og keyrt Indlandshafs megin niður að Cape of Good Hope (Góðravonarhöfða) með stoppi í mörgæsaskoðun í Simon’s Town. Þegar heim var komið eftir langa rútuferð fóru allir í háttinn, þreyttir og sælir. Over and out.....

Mauritius – Cape Town

Endurfundir við farþegana voru mjög góðir eftir skemmtilegt “beach party“ kvöldið áður. Skörtuðum fínu slæðunum sem okkur voru gefnar en er líða tók á flugið breyttum við um útlit og klæddum okkur í anda St. Patricks dagsins sem var í nánd grænar og flottar. Over and Out.....