Ferðin hafin.

Áhöfn FI-1454 

Efri röð f.v: Garðar, Bjartmar, Arnar, Jenný, Íris, Ævar, Jón og Valur

Neðri röð f.v: Anna, Jóna, Lóní og Eygló

 

Þá er ferðalagið okkar hafið.  Tókum í gær við flugvélinni okkar TF-FIA í Keflavík, sem var að koma úr sinni hringferð um heiminn.  Urðum vitni að því þegar áhöfnin úr þeirri ferð gekk inn í komusal við dynjandi lófaklapp og ræðuhöld farþega.  Greinilega búið að vera gaman!

Eldsneyti var sett á vélina, hún hreinsuð í kvelli og nýjum vistum snarað um borð.  Ekkert mátti nú gleymast, enda mikið ferðalag framundan.  Okkar verkefni að koma fólkinu á leiðarenda, New York.  Fyrsti leggurinn á langri leið.  Fín æfing fyrir það sem á eftir kemur.. 

Flugið til NY gekk eins og í sögu og gengu farþegarnir ánægðir frá borði eftir langan og strangan dag.  Margir ætluðu beint í sólina til Flórída að slaka á.

Áhöfnin notaði svo daginn í NY til að versla og spóka sig í björtu en köldu veðri.  Flugvélin okkar var á meðan  tekin og þrifin hátt og lágt að utan sem innan.

Á morgun Þriðjudag, mæta síðan nýjir farþegar og fararstjórar um borð, og ferðin okkar til Afríku hefst fyrir alvöru.  Leiðin okkar liggur um eftirfarandi staði:

Madeira - Addis Ababa í Eþíópíu - Tansaníu - Márítíus - Höfðaborg og Kruger Mpumalanga  í S-Afríku - Victoria falls í zimbzbwe - Bamako í Mali - Marrakech í Marrokó og svo aftur til New York.

Verður fróðlegt að skoða alla þessa staði og örugglega margt að sjá og upplifa í þessari mögnuðu heimsálfu!

Meira seinna

Bestu kveðjur heim...

 

Skrár tengdar þessari bloggfærslu:

• Áhöfn FI-1454

Athugasemdir

[Gulli GUL (IP-tala skráð) 4.3.2008 kl. 09:28]

Sæl öll

Gaman að hitta ykkur í gær og upplifa stemninguna hjá áhöfninni í New York. Njóttið þess þegar eftirvæntingin breytist í upplifun. Góðar kveðjur af línunni á meðan.

Gulli GUL

[Guðbjörg Sveinsdóttir (IP-tala skráð) 4.3.2008 kl. 09:29]

Jóna mín og þið öll; Góða ferð og gangi ykkur allt í haginn - fylgist spennt með

kkv frá Bakkó 49

[Þóra Lind (IP-tala skráð) 4.3.2008 kl. 15:28]

Já góðan dag sko!

HAKUNA MATADA!

Erum við að tala saman eða hvað??   

Elsku Anna mín hugsa til ykkar á hverjum degi. Og Eygló, það á að skilja apana eftir í trjánnum!

Góða ferð og knúsipús allan hringinn,

Þóra Lind

[Bjarndís Lárusdóttir (IP-tala skráð) 6.3.2008 kl. 00:23]

Sæla elsku Jóna mín

Gaman að fá að fylgjast með þessu ferðalagi ykkar.  Það er ekki á hverjum degi sem slík tækifæri gefast.  Sé að þú ert í góðum félagsskap. Hlakka til að fylgjast með ykkur.

Gangi ykkur sem allra best.

Badda systir