Victoria Falls - Zimbabwe

Lentum í Victoria Falls í blíðskaparveðri. Á aðflugskortunum er varað við villidýrum á brautinni. Hér hefur ekki lent þota af þessari stærð áður og vorum við því nokkurskonar tilraunardýr á staðnum. Aðeins var til einn stigi og þegar önnur vél renndi í hlað var okkar stigi tekinn og við skilin eftir um borð í klukkutíma sem eru afrískar 10 mínútur.

Tollurinn þurfti allskonar pappíra og rukkaði 2500 kr. á haus til að komast inn í landið. Tollarinn spurði: Er klám í töskunni? Er tölva í töskunni? Er myndavél í töskunni? Hvar ertu með peningana? Að lokum komumst við í gegnum tollinn en ekki leið á löngu þar til við vorum stoppuð af vegalögreglunni! 

Elephant Hill Resort hótelið heilsaði með öpum í garðinum og villsvínum á beit. Varað var við þjófótt um öpum sem eiga það til að koma í heimsókn í gegnum svaladyr.

Sólarlagið séð frá hótelinu með fossana í forgrunn og sléttur Zimbabwe í bakgrunn er Afríka fyrir okkur.

Skoðunarferð að Victoria Falls næsta morgun var eftirminnileg. Kraftur fossanna var hreint magnaður og jörðin titraði við að 55 milljón tonn runnu framhjá á hverri mínútu. Einstakt að standa þarna í steypiregni, glaðasólskini og “50”stiga hita á þessum sögufræga stað.

Stutt stopp var síðan gert á markaðnum. Við fengum tilboð í Koogley (Eygló) fyrir 9 kýrgildi þó að markaðvirði væri aðeins 7! Maðurinn treysti sér ekki í viðskiptin vegna yfirvofandi rekstrarkostnaðar.

Farinn var sérstakur leiðangur út á völl til að semja um kaup á eldsneyti sem fyrirfram var vitað að ekki var fáanlegt á staðnum. En viti menn snillingarnir okkar komu til baka með alla vasa tóma en fulla vél af eldsneyti þar sem allt er falt fyrir peninga í Zimbabwe.

(Zimbabwe = steinahús...... en ætti að vera Zimbabwe = peningaplokk)

Á sama tíma voru stelpurnar okkar komnar í færibandar vinnu með kokkunum í eldhúsinu á hótelinu að græja bakkana fyrir næsta flug og hefur slíkur vinnuhraði aldrei sést í Afríku.

Jambo ! Jambo ! ........  Over and out

 

Athugasemdir

[amý (IP-tala skráð) 22.3.2008 kl. 11:38]

Hæ, hæ

 langaði bara að óska ykkur gleðilegra páska og góðrar skemmtunar. 

 bkv

amý 

[Agla Bríet Einarsdóttir (IP-tala skráð) 23.3.2008 kl. 19:03]

Hæhæ elsku besta Jóna frænka.  hlakka til að sjá þig afturflottar myndir af þér og dýrunum knús ogkveðja agla bríet og andri snær

[Ingunn Péturs (IP-tala skráð) 25.3.2008 kl. 19:16]

Hæ öll...

Þetta líst mér vel á, villidýr á aðflugsbraut og apar og villisvín í hótelgarði...Þetta er ævintýri í lagi!! Knús til ykkar allra...Eygló mig hlakkar til að sjá þig og heyra allar sögurnar

Knús og kossar

Ingunn P